İzmirdə aramsız leysan yağışları nəticəsində Egey dənizi və Menderes çayında daşqın olub.
APA-nın yerli bürosunun xəbərinə görə, dünən gecə saatlarında Menderes rayonunda yolu su basıb, avtomobillər sel suları altında qalıb.
İçərisində 5 nəfər olan avtomobillərdən birini sel 800 metrəyə qədər sürükləyib, 3 nəfər özünü xilas edə bilsə də, 2 nəfər itkin düşüb.
Bu gün itkin düşən şəxslərin meyiti tapılıb.