NATO baş katibi Yens Stoltenberq Avropa İttifaqının Xarici Siyasət və Təhlükəsizlik üzrə Ali Nümayəndəsi ilə görüşəcək.
APA-nın NATO-nun rəsmi saytına istinadən verdiyi xəbərə görə, Yens Stoltenberq və Cozef Borrell arasında görüş dekabrın 9-da keçiriləcək.
Görüşdən sonra rəsmilər mətbuat qarşısında birgə bəyanatla çıxış edəcək.
Qeyd edək ki, Aİ-nin Xarici Siyasət və Təhlükəsizlik üzrə Ali Nümayəndəsi Cozef Borrell dekabrın 1-dən səlahiyyətlərinin icrasına başlayıb. O bu postda Federika Moqerinini əvəzləyib.