Portuqaliyanın mərkəzi hissəsində yüksək sürətli qatar qəzaya uğrayıb.
APA xəbər verir ki, bu barədə “Reuters” agentliyi “SIC” telekanalına istinadən məlumat yayıb.
Məlumata görə, hadisə nəticəsində 1 nəfər ölüb, 37 nəfər yaralanıb, onlardan yeddisinin vəziyyəti ağırdır.
Qeyd edək ki, buna qədər “Reuters” sözügedən telekanala istinadən 50-yə yaxın yaralının olması barədə məlumat vermişdi.
Bildirilir ki, qatar Koimbra dairəsində yol təmiri maşını ilə toqquşduqdan sonra relsdən çıxıb. Qatarda təxminən 280 sərnişinin olduğu deyilir.