Prezident: “Türkiyənin heç bir ölkənin torpağında, dənizində, suverenliyində gözü yoxdur”

Prezident: “Türkiyənin heç bir ölkənin torpağında, dənizində, suverenliyində gözü yoxdur”
  • Clock-gray 16:28
  • calendar-gray 06 Mart 2021

“Türkiyənin heç bir ölkənin torpağında, dənizində, suverenliyində gözü yoxdur. Biz, sadəcə, “sülh istəyirsənsə, müharibəyə hazır ol” deyən əcdadlarımız kimi Vətənimizi və haqlarımızı qorumağa çalışırıq. Vətəndaşlarımızın təhlükəsizliyi ilə bərabər bölgəmizin və coğrafiyamızın da stabilliyinə töhfə verməyə çalışırıq”.

APA-nın məlumatına görə, bunu bu gün Türkiyə Prezidenti Rəcəb Tayyib Ərdoğan “Mavi Vətən-2021” təlimlərini izləyərkən videokonfrans formatında çıxışında bildirib.

Türkiyə Prezidenti bu gün silahlı pilotsuz uçuş aparatları sahəsində dünyada 3-4 ölkədən biri olduqlarını vurğulayıb: “Müdafiə təyinatlı məhsullarımızın ixracı 248 milyon dollardan 3 milyard dollar səviyyəsinə çatdı. İndiyə qədər Türkiyədə istehsal olunan və dəyəri 3 milyard dollar aşan 130-dan çox dəniz platforması ixrac etmişik. 4 il əvvəl dünyanın 100 müdafiə sənayesi şirkəti sırasında sadəcə, 2 firmamız olduğu halda, bu gün 7 firmamız var. Dost və müttəfiq ölkələrin də ehtiyaclarını təmin edən bir ölkəyə çevrilmişik. Öz savaş gəmisini istehsal edən 10 ölkə içərisində yer alırıq. Unutmamalıyıq ki, dənizlərə hakim olan dünyaya hakim olur”.

R. T. Ərdoğan bu il ərzində test və təlim gəmisi “Üfüq” və çoxməqsədli amfibiya gəmisi “Anadolu” gəmisini Hərbi Dəniz Qüvvələrinin sərəncamına verəcəklərini söyləyib: “Qarşıdakı il isə yeni tip sualtı qayıqların ilki olan “Piri Rəis”i istismara verməyi planlaşdırırıq. Türkiyəni dənizçilikdə də dünyanın super liqasına çıxarmaqda qərarlıyıq”.

apa-logo-mini

Digər xəbərlər