Fransaya məxsus “Şarl de Qoll” təyyarədaşıyıcı gəmisində 668 dənizçidə koronavirusa yoluxma aşkarlanıb.
APA-nın RİA Novosti-yə istinadən verdiyi xəbərə görə, bu barədə Fransa Müdafiə Nazirliyi məlumat yayıb.
"Aprelin 14-də axşam 1767 nəfər dənizçi koronavirus testindən keçirilib. Testlərin 30%-nin nəticələri hələ məlum deyil. Lakin digər cavabların nəticəsinə görə, 668 dənizçinin testi müsbət olub", - nazirliyin məlumatında bildirilib.
Qeyd olunub ki, 31 nəfər Tulon şəhərindəki hərbi xəstəxanaya yerləşdirilib, onlardan biri reanimasiyadadır.
Gəmi hazırda Tulonun hərbi bazasındadır. “Şarl de Qoll”un 14 günlük karantin vəziyyətində olacağı deyilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
