Gürcüstanın paytaxtı Tbilisinin Xorava küçəsində yerləşən yaşayış binasında baş vermiş yanğın nəticəsində iki nəfər ölüb.
APA-nın yerli bürosunun xəbərinə görə, bu barədə Gürcüstanın Fövqəladə Halların İdarəetməsi Xidməti məlumat yayıb.
Bildirilib ki, səhər saat 07:30 radələrində üçmərtəbəli yaşayış binasının ikinci mərtəbəsində başlayan yanğının söndürülməsi məqsədi ilə əraziyə yeddi yanğın xilasetmə qrupu səfərbər olunub.
Yanğının lokallaşdırıldığı və digər binalara keçməsinin qarşısının alındığı bildirilib.