Sakaryada baş verən partlayışda yaralanan 114 nəfər xəstəxanadan evə buraxılıb.
APA-nın yerli bürosunun xəbərinə görə, Sakarya valisi Çetin Oqtay Kaldırım bu barədə bildirib.
Vali deyib ki, qəza ilə əlaqədar hazırda 6 yaralı var ki, onlardan birinin vəziyyəti ağırdır.
Qeyd edək ki, 3 iyulda Sakaryanın Hendek rayonunda pirotexnika istehsal edən fabrikdə naməlum səbəbdən partlayış baş verib.
Hadisə nəticəsində 4 nəfər ölüb, 3 nəfər itkin düşüb.
Faktla bağlı 3 nəfər həbs olunub.