Ukrayna hökuməti ölkədə koronavirus pandemiyasına görə tətbiq edilən karantin rejiminin müddətini uzadıb.
APA-nın TASS-a istinadən verdiyi xəbərə görə, bu barədə müvafiq qərar bu gün Ukrayna Nazirlər Kabinetinin iclasında qəbul edilib.
Ukraynada karantin rejiminin müddəti avqustun 31-dək uzadılıb.
Qeyd edək ki, Ukraynada koronavirusa ilk yoluxma halı martın 3-də qeydə alınıb. Martın 17-dən etibarən ölkədə karantin rejimi tətbiq olunur.
Xatırladaq ki, Ukraynada indiyədək koronavirusa 60 995 yoluxma qeydə alınıb, onlardan 33 172 nəfəri sağalıb, 1 534 nəfər isə vəfat edib.