Bu gün baş verən 5,3 maqnitudalı zəlzələ nəticəsində Xorvatiyanın paytaxtı Zaqrebdə bir uşaq həyatını itirib.
APA-nın “Reuters” agentliyinə istinadən verdiyi məlumata görə, təcili yardım briqadası 15 yaşlı uşağın meyitini dağıntılar altından çıxarıb.
Zəlzələ nəticəsində Zaqrebdə binalara və infrastruktura ziyan dəyib.
***
saat 10.05
Xorvatiyanın paytaxtı Zaqreb yaxınlığında 5,3 maqnitudalı zəlzələ olub.
APA-nın xəbərinə görə, bu barədə Avropa-Aralıq dənizi Seysmoloji Mərkəzi məlumat yayıb.
Yerli vaxtla saat 05.24 radələrində baş verən zəlzələnin ocağı Zaqrebdən 7 km uzaqlıqda, 10 kim dərinlikdə yerləşib.
Dağıntı və tələfat barədə məlumat daxil olmayıb.