Avropa Komissiyasının prezidenti Jan-Klod Yunker "G7"-nin bu həftənin sonunda Fransada keçiriləcək sammitində iştirak etməyəcək.
APA-nın “Financial Times”-ə istinadən verdiyi xəbərə görə, buna səbəb Avropa Komissiyasının prezidentinin səhhətində yaranmış problemdir. Məlumata görə, Jan-Klod Yunker bir müddət xəstəxanada qalacaq.
Xatırladaq ki, Avropa Komissiyasının prezidenti səhhətindəki problemlə əlaqədar Avstriyadakı tətilini dayandırmaq məcburiyyətində qalıb. O, avqustun 17-də öd kisəsində yaranan kəskin ağrı səbəbindən Lüksemburqdakı xəstəxanalardan birinə yerləşdirilib və əməliyyat olunub.