Böyük Britaniyanın “British Petroleum” şirkətinin (BP) cari ilin II rübü üzrə xalis mənfəəti 2,8 mlrd. ABŞ dolları təşkil edib.
“APA-Economics”in “Reuters”ə istinadən verdiyi məlumata görə, neftin qiymətinin aşağı olması səbəbindən şirkətin sözügedən dövr üzrə xalis mənfəəti ötənilki göstəricilərdən fərqlənməyib.
İkinci rübdə BP-nin xalis mənfəəti analitiklərin proqnozlaşdırdığı 2,46 mlrd. dolları 14%-ə yaxın üstələyib.
Şirkətin II rübdə gündəlik hasilatı 3,8 mln. barel neft ekvivalenti səviyyəsinə yüksəlib ki, bu da ötən ilin müvafiq dövrü ilə müqayisədə 4% çoxdur.
Eyni zamanda Meksika körfəzindəki “Barry” qasırğasının təsirlərini nəzərə alaraq cari ilin III rübündə istehsal səviyyəsi II rübdən daha aşağı olacağı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
