Britaniya parlamentariləri Consonun dekabrın 12-də növbədənkənar seçkilər keçirmək təklifini dəstəkləyib

Britaniya parlamentariləri Consonun dekabrın 12-də növbədənkənar seçkilər keçirmək təklifini dəstəkləyib
  • Clock-gray 02:16
  • calendar-gray 30 Oktyabr 2019

İngiltərə Parlamentinin İcmalar Palatası Böyük Britaniyanın baş naziri Boris Consonun dekabrın 12-də növbədənkənar parlament seçkiləri keçirmək təklifini dəstəkləyib.

APA xəbər verir ki, çərşənbə axşamı keçirilən səsvermə zamanı 438 nəfər Consonun planlarının lehinə səs verib, yalnız 20 deputat əleyhinə çıxış edib.

Bu seçki ilə Conson “Brexit” prosesini parlamentin aşağı palatasının “əlindən almaq” niyyətindədir.

Seçkilərin razılaşdırılmış müddətdə baş tutması üçün noyabrın 6-dan gec olmayaraq seçki kampaniyası ilə əlaqədar parlament ləğv edilməlidir. Beləliklə, Consonun 5 iş günü var ki, qanun layihəsi təsdiqlənmənin qalan mərhələlərindən keçə bilsin. İcmalar Palatası tərəfindən təsdiqlənən qanun layihəsinə indi Lordlar Palatası tərəfindən baxılmalıdır, üzvlərinin dəyişiklik etmək və yeni oxunuş üçün aşağı palataya qaytarmaq hüququ var. Qanun yalnız Kraliça II Yelizaveta tərəfindən imzalanandan sonra qüvvəyə minəcək.

apa-logo-mini

Digər xəbərlər

Arxiv

date