Əfqanıstanın Baqram hərbi bazasına hücum nəticəsində 5 Gürcüstan hərbçisi yaralanıb.
APA-nın yerli bürosunun xəbərinə görə, bu barədə Gürcüstan Müdafiə Nazirliyi məlumat yayıb.
Yaralı hərbçilərin vəziyyətinin qənaətbəxş olduğu bildirilib.
Xəsarət alan hərbi qulluqçular Gürcüstan Silahlı Qüvvələrinin 12-ci batalyonunun əsgərləri olub.
Qeyd edək ki, Gürcüstan Silahlı Qüvvələrinin 12-ci batalyonu NATO-nun “Qətiyyətli Dəstək” missiyası çərçivəsində Baqram hərbi bazasında cari ilin noyabrından sülhməramlı xidmət həyata keçirir.