Fransanın cənubundakı Marsel şəhərində silahlı şəxsin bara hücumu zamanı 6 nəfər yaralanıb.
APA xəbər verir ki, bu barədə “France Presse” agentliyi məlumat yayıb.
Məlumata görə, silahlı şəxs şəhərin 15-ci məhəlləsindən bara gəlib və burada odlu silahla insanlara atəş açıb. Daha sonra naməlum istiqamətdə gedərək gizlənib.
Bütün yaralılar ən yaxın xəstəxanaya aparılıb. Onlardan birinin vəziyyəti ağırdır. Barın ətrafı bağlanıb, polis hadisənin bütün təfərrüatlarını, habelə günahkarın şəxsiyyətini müəyyənləşdirməyə çalışır. Ehtimal olunur ki, insident iki kriminal dəstə arasında yaranmış konflikt nəticəsində baş verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
