Gürcü millət vəkilləri hakim partiyadan kütləvi şəkildə istefa veriblər

Gürcü millət vəkilləri hakim partiyadan kütləvi şəkildə istefa veriblər
# 14 noyabr 2019 14:03 (UTC +04:00)

Gürcüstan parlamentində proporsional seçki sisteminə keçidlə bağlı Konstitusiya düzəlişinin qəbul edilməməsi səbəbi ilə bəzi deputatlar hakim "Gürcü Arzusu" Partiyasından istefa verdiklərini açıqlayıblar.

APA-nın yerli bürosu xəbər verir ki, parlamentin vitse-spikeri Tamar Çuqoşvili, həmçinin deputatlar Tamar Xulordava, sopo Katsarava, Giorgi Mosidze, İrina Pruidze, Dmitri Sxitişvili parlament çoxluğundan imtina ediblər.

“Təəssüf ki, səbəb nə olursa olsun, Konstitusiyaya düzəliş layihəsi uğursuz alındı. Bizim parlament çoxluğunu tərk etməkdən başqa çıxış yolumuz qalmayıb. Konstitusiyaya düzəliş məsələsi çox ağır məsələdir və nə mən, nə də həmkarlarım bunun siyasi məsuliyyətini öz üzərimizə götürə bilərik”, - deyə T. Çuqoşvili bildirib.


#
#

ƏMƏLİYYAT İCRA OLUNUR