Gürcüstan Tibbi Fəaliyyətin Tənzimlənməsi Dövlət Agentliyi ölkədə fəaliyyət göstərən 100-dən çox xəstəxananı cərimələyib.
APA-nın yerli bürosunun xəbərinə görə, bu barədə agentliyin direktoru Zaal Kapanadze məlumat verib.
O bildirib ki, 500-dən çox xəstəxananın kompleks monitorinqi zamanı xəstələrin qəbulu və yerləşdirilməsi məntəqələrində bəzi qayda pozuntuları aşkarlanıb, 7 xəstəxanada isə cinayət əlamətləri müəyyən edilib, nəticədə 100-dən çox xəstəxana cərimə edilib.
Z. Kapanadze qeyd edib ki, tibb müəssisələrində pozuntular aşkar edilsə də, ümumi vəziyyət narahatlıq yaradacaq səviyyədə deyil.
Direktor onu da vurğulayıb ki, son 4 ay ərzində aparılan yoxlamalar zamanı 6 həkimin tibbi fəaliyyətlə məşğul olmaq hüququ birdəfəlik əlindən alınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
