Gürcüstanın Məcburi köçkünlər, əmək, səhiyyə və sosial məsələlər naziri vəzifəsinə yeni təyinat olub. APA-nın yerli bürosu xəbər verir ki, nazir postuna Saçxere klinikasının direktoru Yekaterina Tikeradze seçilib.
Qeyd edək ki, 2012-ci ilin oktyabrından etibarən Gürcüstanın məcburi köçkünlər, əmək, səhiyyə və sosial məsələlər naziri vəzifəsini icra edən Davit Sergeenko bu gün istefa verdiyini açıqlayıb. Yerli KİV-lərdə istefanın səbəbinin onun hökümətin səhiyyə islahatlarını dəstəkləməməsi olduğu iddia edilib.