İtaliyanın paytaxtı Roma şəhərində baş vermiş yol qəzasında 20 nəfər xəsarət alıb.
APA-nın xəbərinə görə, bu barədə “Rainews24” telekanalı məlumat yayıb.
Yol qəzası Roma şəhərinin şimal-qərbində qeydə alınıb.
İlkin məlumata görə, sərnişin dolu avtobusun sürücüsü idarəetməni itirərək yolun əks istiqamətinə çıxıb və yol kənarındakı ağaca çırpılıb.
Yaralıların böyük əksəriyyəti yüngül xəsarət alıb.