Litva Prezidenti Gitanas Nauseda Azərbaycana təyin olunan yeni səfir Egidiyus Navikasın etibarnaməsini təqdim edib.
APA-nın xəbərinə görə, bu barədə diplomat Egidiyus Navikas “Twitter” səhifəsində məlumat verib.
“Etimad məktubunu Litva Prezidenti Gitanas Nausedadan qəbul etmək həqiqi şərəfdir. Azərbaycanda ölkəmə xidmət etmək vacib məsuliyyətdir”, - deyə o qeyd edib.
Xatırladaq ki, Egidiyus Navikas 2014-cü ilin sentyabr ayından Litvanın Azərbaycandakı diplomatik missiyasına rəhbərlik edən Valdas Lastauskası əvəz edəcək.
E.Navikas daha öncə Avropa İttifaqının İordaniyadakı Nümayəndəsinin müavini vəzifəsində çalışıb.