Çexiyanın paytaxtı Praqada ötən gün on minlərlə nümayişçi baş nazir Andrey Babisin istefa tələbi ilə küçələrə çıxıb.
APA BBC-yə istinadən xəbər verir ki, Andrey Babis Avropa İttifaqının verdiyi subsidiyaların dələduzluq yolu ilə istifadəsində ittiham edilir.
Məlumata görə, ötən gün keçirilən nümayişə 120 000 nəfər qatılıb.
Bildirilir ki, bu, 1989-cu il inqilabından sonra Çexiyada baş tutan ən böyük nümayişdir.
A.Babis dələduzluq ittihamlarını rədd edir.