Türkiyə Prezidenti Rəcəb Tayyib Ərdoğan ABŞ Prezidenti Donald Trampa məktub ünvanlayıb.
APA “Anadolu”ya istinadən xəbər verir ki, bu barədə Prezident Administrasiyası açıqlama yayıb.
Məlumata görə, Ərdoğan Trampa göndərdiyi məktubda seçkilərin “ABŞ-ın dost və müttəfiq xalqı üçün faydalı olmasını” arzulayıb.
“Rəsmi seçki nəticələrinin hansı formada təzahür edəcəyinə baxmayaraq, son dörd illik prezidentlik fəaliyyətinizdə Türkiyə-ABŞ münasibətlərinin ortaq maraqlar və dəyərlərinin inkişafında ortaya qoyduğunuz səmimi və qərarlı görkəm üçün təşəkkür edirəm. Ölkələrimiz arasındakı tarixi dostluq, tərəfdaşlıq və müttəfiq əlaqələrinin bu güclü zəmin üzərində daha da davam etdirilməsi qarşılıqlı maraqlarımızın bir tələbi olub, önümüzdəki dövrdə də Türkiyə olaraq bu istiqamətdə hər cür səy göstərəcəyimizdən əmin olmağınızı istərdim. Bu münasibətlə hər zamankı isti dostluğunuz üçün bir daha səmimi qəlbdən təşəkkür edirəm, Amerika Birləşmiş Ştatları xalqına sülh və rifah üçün ən səmimi istəklərimi çatdırıram”, - məktubda belə deyilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
