“Koronavirus pandemiyası qlobal imtahanlardan biridir. Xalqımız bizə verdiyi dəstəklə və ələ aldığımız bütün tədbirlərlə bu imtahandan daha az problemlə çıxmağı bacardıq. İndiyədək 75 min vətəndaşımızı ölkəmizə gətirdik”.
APA-nın yerli bürosunun xəbərinə görə, Türkiyə Prezidenti Rəcəb Tayyib Ərdoğan yeni növ koronovirusla (COVID-19) bağlı nazirlərlə keçirilən sonuncu telekonfransdan sonra belə bildirib.
Prezident deyib ki, pandemiya ilə mübarizə müddətində indiyədək Türkiydədən dəstək istəyən 135 ölkədən 100-ünə yardım edə bilib. Türkiyə istehsal etdiyi 3626 tənəffüs sistemi cihazlarının 1000 ədədini xarici ölkələrə ixrac edib: “Maska istehsal edən cihaz və termal kamera istehsalına da başladıq”.
R.T.Ərdoğan pandemiya ilə əlaqədar Türkiyənin 2 ay yarıma yaxın müddətdəki maddi itkilərini kompensasiya edəcəyinə əmin olduğunu da qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
