Noyabrın 1-2-də Rusiyanın hərbi nümayəndəliyi Ankarada türkiyəli həmkarları ilə danışıqlar aparıb.
APA “TASS” agentliyinə istinadən xəbər verir ki, bu barədə Türkiyə Milli Müdafiə Nazirliyinin yaydığı bəyanatda deyilir.
“22 oktyabr 2019-cu ildə Soçidə Rusiya ilə əldə edilmiş razılaşma çərçivəsində Suriyada taktiki və texniki məsələləri müzakirə etmək üçün Ankaraya gələn ikinci Rusiya hərbi heyəti ilə noyabrın 1-də və 2-də danışıqlar aparılıb”, - məlumatda belə deyilir.
Qeyd edək ki, Rusiya və Türkiyə liderlərinin əldə etdiyi razılaşmaları həyata keçirmək planları oktyabrın 28 və 29-da iki ölkənin hərbi nümayəndə heyətlərinin Ankaradakı danışıqlarında müzakirə edilib.