Türkiyə XİN: Aİ-nin sanksiyaları ölkənin Aralıq dənizindəki fəaliyyətinə təsir etməyəcək

Türkiyə XİN: Aİ-nin sanksiyaları ölkənin Aralıq dənizindəki fəaliyyətinə təsir etməyəcək
# 16 iyul 2019 06:28 (UTC +04:00)

Avropa İttifaqının (Aİ) Türkiyəyə qarşı sanksiyaları onun Aralıq dənizinin şərqində qaz hasilatı ilə bağlı fəaliyyətinə heç bir təsir göstərməyəcək.

APA “Anadolu” agentliyinə istinadən xəbər verir ki, bu barədə Türkiyə XİN-in açıqlamasında deyilir.

“Aİ Şurası tərəfindən qəbul olunmuş qərar Aralıq dənizinin şərq hissəsində karbohidrogen qazının hasilatını davam etdirmək baxımından ölkəmizin qətiyyətinə təsir etməyəcək”, - açıqlamada belə deyilir.

Türkiyə XİN, həmçinin onu da əlavə edib ki, ölkə qaz əldə olunması istiqamətində öz fəaliyyətini genişləndirmək niyyətindədir.

Qeyd edək ki, Aİ iyulun 15-də Kiprin azad iqtisadi zonasında aparılan karbohidrogen yataqlarının kəşfiyyatı ilə əlaqədar Türkiyəyə qarşı sanksiya tətbiq edib. Həmin zonada Türkiyəyə məxsus iki – “Fatih” və “Yavuz” qazma qurğuları yerləşdirilib. Türkiyə prezidenti Rəcəb Tayyib Ərdoğan şelf yataqlarında kiprli türklərin hüquqlarının ölkəsi tərəfindən qorunmasına hazır olduğunu bəyan edib və yeri gəldikdə hərbi gücdən istifadə ediləcəyini də bildirb.

#
#

ƏMƏLİYYAT İCRA OLUNUR