Nikola Sarkozi Fransanın yenidən NATO-nun hərbi qanadına üzv olacağını bəyan edib
12 mart 2009 08:51 (UTC +04:00)
Paris-APA. Fransa prezidenti Nikola Sarkozi ölkənin 40 il fasilədən sonra yenidən NATO sıralarına qoşulacağını bəyan edib. APA-nın məlumatına görə, Nikola Sarkozi bu məsələyə son qoymağın vaxtı çatdığını bildirib: “NATO sıralarına qayıtmağımız Fransanın və bütün Avropanın marağında olan məsələdir. Bu addım ölkənin müstəqilliyi ilə təzad təşkil eləmir. Bizim Silahlı Qüvvələrimiz olduğu kimi qalacaq, onlar Fransanın məsuliyyət daşımadığı hər hansı başqa hərbi quruma inteqrasiya oluna bilməzlər”. Sarkozi hərbi alyansın əleyhdarlarına NATO Şurasında qərarların yekdilliklə qəbul olunduğunu xatırladıb: “Buna misal olaraq NATO-nun Buxarest sammitində Ukrayna və Gürcüstanın quruma qəbulu ilə bağlı səsverməni göstərə bilərəm. Hər iki ölkə hərbi alyansa üzvlüklə bağlı Vaşinqtonun dəstəyini qazansa da, Fransa və Almaniyanın buna qarşı çıxması qərarın qəbuluna imkan vermədi”.
Avropa
NATO XİN rəhbərlərinin qeyri-formal iclası keçiriləcək
17:33
23 aprel 2024
KİV: ABŞ-nin Ukraynaya hərbi yardımı Aİ-nin dəstəyini azalda bilər
15:59
23 aprel 2024
Litva Prezidenti: Ukraynada döyüş meydanındakı vəziyyət birbaşa Qərbin dəstəyindən asılıdır
15:13
23 aprel 2024
Zelenski və Rişi Sunak arasında telefon danışığı olub
13:59
23 aprel 2024