Avropa

Ana səhifə

Avropa

Öz qızını 24 il zirzəmidə saxlayan avstriyalı manyakın məhkəməsi başlayıb

16 mart 2009 12:14 (UTC +04:00)

Vyana-APA. Öz doğma qızını 24 il zirzəmidə saxlayaraq, onu cinsi əlaqəyə girməyə məcbur edən avstriyalı manyak Yozef Fritslin məhkəməsi başlayıb. APA-nın məlumatına görə, manyak məhkəmədə ilk çıxışı zamanı zorlama, zorla azadlıqdan məhrum etmə maddələri üzrə cinayətlərini qismən etiraf edib. Yozef Fritsl həmçinin quldarlıqda, qətldə və insanlarla sərt davranmaqda ittiham olunur. Sankt-Pelten şəhər məhkəməsində başlayan iclasın ilk hissəsində jurnalistlərin iştirakına icazə verilib. İttiham aktına görə, Amştetten şəhərinin sakini Yozef Fritsl 1984-cü ildə 18 yaşlı qızı Elizabeti yaşadığı evin zirzəmisində gizlədib. Öz qızı ilə cinsi əlaqədə olan Fritslin bu münasibətlərdən yeddi övladı dünyaya gəlib. Manyak uşaqlardan üçünü öz evində, üçünü isə evin zirzəmisində saxlayırmış. Qızı ilə əlaqədən dünyaya gələn daha bir uşaq isə elə zirzəmidə dünyasını dəyişib. Həkimlər uşağın vaxtında tibbi yardım göstərilməməsi səbəbilə dünyasını dəyişdiyini bildirirlər. Bu səbəbdən Yozef Fritslə qarşı qətl maddəsi ilə də ittiham sürülüb.