Gürcüstanın ABŞ-dakı səfiri istefa verib

Gürcüstanın ABŞ-dakı səfiri istefa verib
# 09 noyabr 2012 12:50 (UTC +04:00)
Bakı – APA. Gürcüstanın ABŞ-dakı səfiri Temur Yakobaşvili öz missiyasını bitmiş sayıb. APA-nın xəbərinə görə, səfir bu qərarını öz “Facebook” səhifəsində açıqlayıb. O, qərarı haqda xarici işlər nazirini məlumatlandırdığını söyləyib: “Hər kəs xarici siyasətimizin Amerika istiqamətindəki nailiyyətlərdən çox yaxşı xəbərdardır və bu barədə danışıb sizləri yormaq istəmirəm. Gürcüstan prezidentinə mənə ölkəmin mənafeyi naminə çalışmaq üçün unikal imkan yaratdığı üçün xüsusi minnətdarlıq edirəm”.

İstefaya münasibət bildirən Gürcüstanın xarici işlər naziri Maya Pancikidze deyib ki, hazırda səfir vəzifəsinə bir neçə nəfərin namizədliyi nəzərdən keçirilir. O, yaxın günlərdə daha bir neçə səfirin istefaya göndəriləcəyini bəyan edib.
#
#

ƏMƏLİYYAT İCRA OLUNUR