ABŞ hərbçiləri Almaniyada yol qəzasına düşüb.
APA-nın “Bayerischer Rundfunk” radiosuna istinadən verdiyi xəbərə görə, qəza Passau-Nürnberg yolunda, Pasberq şəhəri yaxınlığında baş verib.
Polisin məlumatına görə, yarımqoşqulu yük maşını yol kənarında dayanmış ABŞ hərbi konvoyu ilə toqquşub. İlkin məlumata görə, qəzada 4 avtomobilə ziyan dəyib, onlardan ikisi yanıb.
8 nəfər tüstüdən zəhərlənmə diaqnozu ilə xəstəxanaya yerləşdirilib.
Magistral yol hər iki istiqamətdən bağlanıb.