Atom Enerjisi üzrə Beynəlxalq Agentlik (AEBA) yaxın həftələrdə Çernobıl AES-ə 2-ci missiyanı göndərəcək.
APA xəbər verir ki, bu barədə AEBA-nın direktoru Rafael Qrossi bildirib.
O deyib ki, Ukrayna AEBA-ya yardım üçün müraciət edib: “Bu müraciəti nəzərə alaraq, mən hərtərəfli yardım proqramı hazırladım və onun detallarını Ukrayna tərəfi ilə bölüşdüm. AEBA Ukraynanın ehtiyacı olan yardımı sürətlə və effektiv şəkildə çatdırmaq iqtidarındadır”.
Onun sözlərinə görə, AEBA-nın ekspertləri radiasiyadan qorunma, tullantıların idarə olunması təhlükəsizliyi, nüvə təhlükəsizliyi və qoruyucu tədbirlər həyata keçirməklə bağlı Ukrayna tərəfinə dəstək verəcək.
“Ukraynanın nüvə obyektlərinin təhlükəsizliyi mənim əsas prioritetim olaraq qalır”, - AEBA-nın direktoru vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
