Atom Enerjisi üzrə Beynəlxalq Agentliyin (AEBA) göndərdiyi yardım Türkiyəyə çatıb.
APA xəbər verir ki, bu barədə AEBA-nın Baş direktoru Rafael Qrossi bildirib.
"Biz daha çox avadanlıq göndəririk və Türkiyənin tibbi ehtiyaclarına cavab vermək üçün təcrübəmizi təklif edirik. Sürətli reaksiya verdiyi üçün Yaponiya və ABŞ-a təşəkkür edirik. Mən digər donorları bu səylərə kömək etməyə çağırıram", - Qrossi vurğulayıb.
İlkin yardım paketində AEBA Türkiyənin gərgin tibb sistemini gücləndirmək üçün təcili yardım olaraq Türkiyəyə portativ və mobil rentgen aparatları göndərib. Cihazlar xəstələrə müalicə üçün diaqnoz qoymaq və zədələnmiş tibbi görüntüləmə avadanlıqlarını əvəz etmək üçün yerləşdiriləcək.
Bildirilib ki, bu çatdırılma ABŞ-dan gələn ianələr hesabına mümkün olub. Təsirə məruz qalan ərazilər üçün əlavə aparatların satınalınması prosesi davam edir.
AEBA yaxın həftələrdə Türkiyə və Suriyaya rentgen aparatları və texniki dəstək də daxil olmaqla daha çox dəstək paketi göndəriləcəyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
