Avropa İttifaqının (Aİ) 19 ölkəsi Türkiyəyə 27 axtarış-xilasetmə və tibbi komanda göndərib.
APA xəbər verir ki, bu barədə Aİ-nin Böhran İdarəetməsi komissarı Yanez Lenarçik (Janez Lenarčič) “Twitter” paylaşımında qeyd edib.
O, zəlzələdən sonra Aİ-dən ümumilikdə 1150 xilasedicinin və 70 xilasetmə itinin Aİ Mülki Müdafiə Mexanizmi vasitəsilə Türkiyə göndərildiyini bildirib.
Aİ komissarı Türkiyəyə yardım göndərən ölkələrə təşəkkür edib.