“Taxıl daşınması sazişi” Rusiya limanlarında olan qida məhsulları, müxtəlif kimyəvi maddələr və amonyak kimi digər məhsulların çıxarılmasını nəzərdə tutmur.
APA-nın İstanbul müxbirinin verdiyi xəbərə görə, bu barədə Türkiyənin milli müdafiə naziri Hulusi Akar “Anadolu” agentliyinə müsahibəsində deyib.
O qeyd edib ki, bu ayrı müzakirə mövzusudur və Rusiya bununla bağlı BMT ilə danışıqlar aparır. Akar Rusiyaya bu mövzuda kömək edə biləcəkləri halda məmnun olacaqlarını da bildirib.