Almaniya Moldovaya Ukraynadakı müharibənin nəticələrinin öhdəsindən gəlməyə kömək etmək üçün 77 milyon avro ayıracaq.
APA DPA-ya istinadən xəbər verir ki, bu barədə Almaniyanın xarici işlər naziri Annalena Berbok Rumıniyanın paytaxtı Buxarestdə keçirilən donor konfransında bildirib.
Qeyd olunub ki, 40 milyon avro enerji xərcləri üçün subsidiya formasında veriləcək, 20 milyon avro isə enerji səmərəliliyi proqramına və bərpa olunan enerjiyə investisiyaya, həmçinin video dronlara, termal görüntüləmə avadanlığına, ərazi nəqliyyat vasitələrinə və sərhəddə pasport skanerlərinə ayrılacaq.
Qalan 17 milyon avro isə Moldovadakı ukraynalı qaçqınlara ayrılacaq.
Xatırladaq ki, maliyyə yardımını əvvəlcə Bundestaq təsdiqləməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
