Almaniyanın xarici işlər naziri Annalena Berbok Rusiyaya səfərə gəlir.
APA-nın TASS-a istinadən verdiyi xəbərə görə, bu barədə Almaniyanın Rusiyadakı səfirliyi məlumat yayıb.
Bildirilib ki, Almaniya XİN başçısı bu gün axşam Moskvaya gələcək, yanvarın 18-də isə o, rusiyalı həmkarı Sergey Lavrovla görüşəcək.
S. Lavrovla danışıqlardan sonra Almaniya XİN başçısı Yeni Tretyakov Qalereyasında "Diversity United" sərgisini ziyarət edəcək. Almaniya XİN rəhbəri Aleksandr bağında naməlum əsgər abidəsinin önünə əkil qoyacaq.
Səfirliyin məlumatına görə, Almaniya xarici işlər naziri yanvarın 18-i axşamadək Moskvada səfərdə olacaq.
Qeyd edək ki, bu, Annalena Berbokun Rusiyaya XİN rəhbəri kimi ilk səfəridir. O, bu gün Kiyevdə səfərdə olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
