Avropa Komissiyası bu gün Ukrayna ilə bağlı qərarını açıqlayacaq.
APA xəbər verir ki, bugünkü müzakirədə komissya Ukraynanın Avropa İttifaqına (Aİ) namizədliyi ilə bağlı son qərarını açıqlayacaq.
Bu o deməkdir ki, bugün səsləndiriləcək mövqe iyunun 23-24-də Brüsseldə keçiriləcək zirvə toplantısında qəti qərar qəbul etmək üçün Aİ liderlərinə tövsiyə şəklində təqdim olunacaq.
Bundan əvvəl Avropa komissarları Ukraynanın müraciəti ilə bağlı ümumi müzakirələr aparıblar.
İyunun 11-də Kiyevə səfər edən Avropa Komissiyasının rəhbəri Ursula fon der Lyayen Ukraynanı Avropa yolunda dəstəkləmək arzusunu bəyan edib.
Bir sıra Avropa mediası hesab edir ki, Ukrayna müəyyən şərtlərlə müsbət fikir ala bilər.
Lakin ölkənin namizəd statusuna tam uyğun gəlmədiyi barədə ümumi fikir formalaşıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
