ABŞ Dövlət Departamenti Latviya, Litva və Estoniyaya ABŞ istehsalı silahların Ukraynaya göndərilməsinə icazə verib.
APA-nın “Reuters”ə istinadən verdiyi xəbərə görə, Dövlət Departamentinin icazəsi ilə Estoniya “Javelin” tank əleyhinə raketlərini, Litva isə “Stinger” raketlərini Ukraynaya göndərə biləcək.
ABŞ-ın ixrac tənzimləmələrinə əsasən, ölkələr ABŞ-dan əldə etdikləri silahların üçüncü tərəfə ötürülməsindən öncə Dövlət Departamentindən təsdiq əldə etməlidirlər.
Dövlət Departamentindən ABŞ-ın Estoniya, Litva, Latviya və Böyük Britaniyaya öz inventarlarındakı ABŞ istehsalı silahların Ukraynaya göndərilməsini təsdiqlədiyi bildirilib. Lakin bu ölkələrin Ukraynaya hansı silahların göndəriləcəyi ilə bağlı detallar açıqlanmayıb.