Borrell: “Rusiya neftinə embarqo ilə bağlı Aİ-nin mövqeyi dəyişməyəcək”

Borrell: “Rusiya neftinə embarqo ilə bağlı Aİ-nin mövqeyi dəyişməyəcək”
# 16 may 2022 11:34 (UTC +04:00)

Rusiya neftinə qarşı embarqo ilə bağlı Avropa İttifaqının mövqeyi dəyişməyəcək.

APA xəbər verir ki, bunu Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borell Aİ Xarici İşlər Nazirləri Şurasının iclasından əvvəl Kanada xarici işlər naziri ilə birgə jurnalistlərə açıqlamasında deyib.

“Biz bu müharibənin dünyanın hər bir nöqtəsinə təsir edən nəticələrindən çox narahatıq. Qiymətlərin artması, ərzaq çatışmazlığı ilə əlaqədar biz iqtisadi böhranla üzləşə bilərik. Ona görə də biz səylərimizi gücləndirməli və birləşdirməliyik. Rusiya Ukraynanın taxıl ixrac etməsinə, beynəlxalq bazara çıxmasına imkan vermir”, - Borell bildirib.

Cozep Borrell jurnalistin Macarıstanın Aİ-nin Rusiya neftinə sanksiyasına etirazı ilə bağlı sualını da cavablandırıb: “Bilirsiniz, biz 27 ölkəyik, mən bu 27 ölkəni inandırmalıyam. Bu ölkələrin arasında elələri var ki, digərlərindən problemləri daha çoxdur. Bu da əslində obyektiv vəziyyətdir. Bu ölkələr daha çox asılıdır və embarqo tətbiq olunacağı təqdirdə bu ölkələr daha çox problemlərlə üzləşəcək. Çünki bu ölkələrin bəzilərinin dənizə çıxışı yoxdur ki, tankerlərlə neft qəbul etsinlər, onların yalnız quru yolu ilə Rusiyadan gələn boru kəmərləri var və bu boru kəmərləri ilə neft idxal edirlər. Bütün bunları yaxşı müzakirə edəcəyik və vəziyyətdən çıxmağa çalışacağıq. Düşünmürəm ki, bizim bu məsələ ilə bağlı mövqeyimiz dəyişsin, çünki qətiyyətliyi, güclüyük, lakin eyni zamanda, başa düşürük ki, müəyyən xüsusi hallar var. Biz bu vəziyyətdən ənənəvi yolla, müzakirə edərək həll yolu taparaq çıxmağa çalışacağıq. Mənim rolum kimisə günahlandırmaq deyil, konsensus yaratmaqdır”.

#
#

ƏMƏLİYYAT İCRA OLUNUR