Britaniya Rusiyanın Ukraynaya hücumunu dəstəkləməsi və asanlaşdırmasına görə Belarusa qarşı yeni sanksiyalar paketi elan edib.
APA-nın Britaniya bürosunun xəbərinə görə, o cümlədən idxal qadağaları və internet təbliğatının qarşısının alınmasına yönəlmiş yeni tədbirlər də görülüb.
Böyük Britaniyanın xarici işlər naziri Ceyms Kleverli deyib ki, yeni sanksiyalar paketi Rusiyanın müharibə səylərini fəal şəkildə asanlaşdıran və Ukraynanın ərazi bütövlüyünə məhəl qoymayan Prezident Aleksandr Lukaşenkoya və onun rejiminə iqtisadi təzyiqi gücləndirir.
Yeni paketə Belarusdan qızıl, sement, ağac və rezin idxalının qadağan edilməsi və Britaniyadan Belarusa əskinas və maşınların, habelə kimyəvi və bioloji silahların istehsalı üçün istifadə oluna biləcək malların, texnologiyaların və materialların ixracının qarşısının alınması daxildir.
Britaniya hökuməti həmçinin, Belarusun Böyük Britaniyanın maliyyə bazarlarına çıxışını daha da məhdudlaşdırmaqla Belarusun toplaya biləcəyi vəsaitləri azaldacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
