Böyük Britaniyanın əks-kəşfiyyat xidməti “MI5” Şimali İrlandiyada terror təhlükəsi səviyyəsini “əhəmiyyətli”dən “şiddətli”yə yüksəldib.
APA-nın Britaniya bürosunun “Sky News”a istinadən xəbərinə görə, rəsmi orqanlar bunun terror ehtimalının yüksək olduğu mənasına gəldiyini bildirib.
Şimali İrlandiya dövlət katibi Kris Heaton-Harris İcmalar Palatasına bildirib ki, qərar “MI5” tərəfindən verilib.
“İctimaiyyət ayıq-sayıq olmalı, lakin təşviş etməməli və narahatlıqları barədə Şimali İrlandiya Polis Xidmətinə məlumat verməyə davam etməlidir”, o deyib.
Qeyd edək ki, “MI5” kimi tanınan Təhlükəsizlik Xidməti Birləşmiş Krallığın daxili əks-kəşfiyyat və təhlükəsizlik agentliyidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
