Ukrayna Rusiyanın hava hücumundan müdafiə (HHM) sistemlərinə və tədarük gəmilərinə “Bayraktar” dronları vasitəsilə uğurlu zərbələr endirib.
APA xəbər verir ki, bu barədə Böyük Britaniya Müdafiə Nazirliyinin kəşfiyyat xidmətinin məlumatında bildirilib.
Qeyd edilib ki, “Moskva”nın vurulmasından sonra Rusiya Hərbi Dəniz Donanmasının Krıma çəkilməsi nəticəsində indi Rusiyanın tədarük gəmiləri Qara dənizin qərbində minimal mühafizəyə malikdir.
Əlavə olunub ki, İlan adası uğrunda döyüşlər davam edir və Rusiya adada yerləşdirdiyi qarnizonunu bir neçə dəfə möhkəmlənməyə cəhd edib.
Vurğulanıb ki, Rusiya adada mövqeyini möhkəmləndirəcəyi və strateji HHM, həmçinin sahil mühafizə üçün qanadlı raketlər yerləşdirəcəyi təqdirdə Qara dənizin şimal-qərbində dominantlıq edə bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
