Böyük Britaniya Türkiyənin zəlzələlərdən sonra axtarış-xilasetmə və tibbi qrupların dərhal yerləşdirilməsi ilə bağlı yardım tələbinə cavab verib.
APA-nın Britaniya bürosunun xəbərinə görə, bu barədə Britaniya Xarici İşlər Naziri Ceyms Kleverli deyib.
O bildirib ki, 76 Britaniyalı axtarış-xilasetmə mütəxəssisi, dörd axtarış iti və xilasetmə avadanlığı bu axşam Türkiyəyə çatacaq. Böyük Britaniya, həmçinin yerdəki vəziyyəti qiymətləndirmək üçün təcili tibbi yardım qrupu göndərir.
Təyyarənin Böyük Britaniyadan saat 16:00-da qalxması və yerli vaxtla axşam saat 21:00 radələrində Qaziantepə çatması gözlənilir.
Ceyms Kleverli bildirib ki, Britaniya lazım olarsa, Türkiyəyə əlavə dəstək verməyə hazırdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
