Mülki əhalinin təxliyəsi üçün bu gün Ukraynada humanitar dəhlizlər açılmayacaq.
APA xəbər verir ki, bu barədə Ukrayna Baş nazirinin müavini İrina Vereşçuk "Telegram"da bildirib.
"Bu gün, aprelin 22-də yollarda yaranan təhlükə ilə əlaqədar humanitar dəhlizlər olmayacaq. Təxliyəni gözləyənlərin hamısına müraciət edirəm: səbr edin, lütfən!", - o qeyd edib.
Xatırladaq ki, bu həftənin əvvəlində üç gün davamlı olaraq ölkədə humanitar dəhlizlər açılmayıb.
Aprelin 21-də isə 80 nəfərin olduğu dörd avtobus Mariupoldan Zaporojyeyə çatıb.