Dağıstanda 5,5 bal gücündə zəlzələ baş verib.
APA-nın yerli bürosu xəbər verir ki, məlumatı Gürcüstanın Seysmik Monitorinq Milli Mərkəzi yayıb. Bildirilib ki, Tbilisi vaxtı ilə 10:42-də baş vermiş zəlzələnin episentri Gürcüstan sərhədindən 25 kilometr məsafədə, Dağıstan ərazisində qeydə alınıb.
Güclü yeraltı təkanlar Gürcüstan ərazisində, eləcə də paytaxt Tbilisidə hiss olunub.