Türkiyə Prezidenti Rəcəb Tayyib Ərdoğan Almaniya Kansleri Olaf Şoltsla telefon danışığı aparıb.
APA-nın İstanbul müxbiri xəbər verir ki, bu barədə Türkiyə Prezident Administrasiyası məlumat yayıb.
Qeyd olunub ki, Ərdoğan Almaniyadan Türkiyə-Yunanıstan münasibətlərində yenidən neytral mövqe tutmasını gözlədiklərini bildirib.
Türkiyə lideri, Türkiyə-Aİ dialoqu, Gömrük İttifaqının yenilənməsi üçün danışıqlar və üzvlük danışıqlarının canlandırılmasının vacibliyini də vurğulayıb. Bundan başqa, tərəflər Rusiya-Ukrayna müharibəsinə dair son hadisələri də müzakirə edib.