2022-ci ildə Gürcüstanda yeni doğulanların sayı illik müqayisədə 7,9% azalaraq 42 319 nəfər təşkil edib.
APA-nın Tbilisi müxbiri xəbər verir ki, bu barədə Gürcüstan Milli Statistika İdarəsinin hesabatında bildirilib. Gürcüstanda ötən il ərzində ölənlərin sayı isə illik ifadədə 18% azalaraq 49 118 nəfər təşkil edib. Ümumilikdə, 2022-ci ildə Gürcüstanda mənfi təbii artım qeydə alınıb (-6 799).
Hesabat dövründə Gürcüstanda azərbaycanlıların kompakt yaşadığı Kvemo Kartli bölgəsində isə müsbət təbii artım qeydə alınıb. Ötən il Kvemo Kartlidə yeni doğulanların sayı 5 074 nəfər, ölənlərin sayı isə 4 528 nəfər təşkil edib.
Statistikaya əsasən 2022-ci ildə Gürcüstada körpə ölüm nisbəti hər 1000 nəfərə 7,6 nəfər, 5 yaş altı ölüm nisbəti isə hər min nəfərə 9,2 nəfər təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
