İsveçin Strateji Məhsullar üzrə Müfəttişliyi (ISP) Türkiyəyə hərbi texnikanın ixracına icazə verib.
APA-nın İstanbul müxbirinin verdiyi xəbərə görə, bu barədə Müfəttişlik məlumat yayıb.
Qərar elektron avadanlıq, proqram təminatı və texniki yardım sahəsində məhsullara aiddir.
“İsveçin NATO-ya üzvlük üçün müraciəti Türkiyə də daxil olmaqla, digər üzv dövlətlərə hərbi texnikanın ixracına icazə verilməsi ilə bağlı müdafiə və təhlükəsizlik siyasətinin səbəblərini xeyli gücləndirir”, - ISP qərarın şərhində bildirib.
Qərar qəbul olunmazdan əvvəl Parlamentdə təmsil olunan bütün partiyalarının nümayəndələrindən ibarət İxrac Nəzarəti Şurası ilə məsləhətləşmələr aparılıb.