İtaliya parlamentinin aşağı palatası (Deputatlar Palatası) hökumətin 2023-cü ildə Kiyevə silah göndərilməsi ilə bağlı bu günlərdə qəbul etdiyi qərarı dəstəkləyib.
APA-nın xəbərinə görə, bu barədə TASS məlumat yayıb
215 deputat qərarın lehinə, 46 deputat isə əleyhinə səs verib. Onların arasında əsasən hazırda müxalifətdə olan 5 Ulduz Hərəkatı partiyasının nümayəndələri çoxluq təşkil edir.
Bu günlərdə İtaliya hökumətinin Ukraynaya altıncı hərbi yardım paketini qəbul edəcəyi məlum olub.