İtaliya xarici işlər naziri Luici Di Mayo və Ukrayna xarici işlər naziri Dmitri Kuleba arasında telefon danışığı olub.
APA xəbər verir ki, bu barədə İtaliya xarici işlər naziri "Twitter"də bildirib.
"İtaliyanın Ukraynaya tam dəstəyini, əhaliyə və ölkənin yenidən qurulmasına dəstəyimizi bir daha təsdiqlədim. Bu dəhşətli müharibəni dayandırmaq və sülhə nail olmaq üçün birləşməliyik. Ukraynadan taxıl ixracına qarşı blokadanın aradan qaldırılması üçün səylə həll yolu üzərində çalışırıq", - İtaliya XİN rəhbəri bildirib.