Kiyevdə komendant saatının vaxtı qısaldılır

Kiyevdə komendant saatının vaxtı qısaldılır
# 13 may 2022 12:33 (UTC +04:00)

Kiyevdə komendant saatının vaxtı qısaldılır.

APA "Ukranews.com" saytına istinadən xəbər verir ki, bu barədə Kiyev şəhərinin meri Vitali Kliçko "Teleqram" hesabındakı paylaşımında məlumat verib.

Bildirib ki, mayın 15-dən komendant saatı 1 saat gec başlayacaq və saat 23:00-dan 05:00-dək tətbiq ediləcək.

Mer qeyd edib ki, komendant saatının qısaldılması ilə əlaqədar ictimai nəqliyyatın iş vaxtı artırılacaq. Belə ki, metro 06:00-dan 22:00-dək, yerüstü ictimai nəqliyyat isə 22:30-dək fəaliyyət göstərəcək.

Kliçko əhalini hava hücumu siqnalına etinasızlıq göstərməməyə çağırıb və Kiyevə raket hücumu təhlükəsinin hələ də qaldığını xatırladıb.

#
#

ƏMƏLİYYAT İCRA OLUNUR