Ukrayna xarici işlər naziri Dmitri Kuleba və ABŞ Dövlət katibi Entoni Blinken arasında telefon danışığı olub.
APA xəbər verir ki, bu barədə Kuleba "Twitter"də bildirib.
Ukrayna xarici işlər naziri ABŞ-ın verdiyi güclü dəstəyə görə, amerikalı həmkarına təşəkkür edib.
“Rusiya Donbasda dağıdıcı hücumlarını davam etdirdiyi üçün daha çox silah, o cümlədən ağır silahlar Ukraynaya yönəlir. Biz həmçinin Ukraynanın ixracını blokadadan çıxarmaq və qlobal ərzaq təhlükəsizliyini təmin etmək yollarını müzakirə etdik”, - Kuleba vurğulayıb.